Nagaland State Food Laboratory tajungba kümogo

Dimapur, May 14 (TYO): May 14, 2019 nü Principal Secretary & Commissioner Food Safety, H&FW, I. Himato Zhimomi-i State Food Laboratory nungi Level – 2 Laboratory akümba sentong nung aden.
Iba sentong ya State Public Health Laboratory, Kohima nung agi.
Nagaland nung State Food Laboratory, Level – 2 lapokba ya kanga tajung lir aser iba nung High-End Equipments lir. Iba chiyungtsü tsütsü inyakba entrepreneur temi peii yanglutetba chiyungtsütem laboratory-i bener arua mezüng tendangtsü akok, kechiyong achiajemtsü tamajung ayokba atema temerenshi lir, ta Himato-i tanü o jembidang ashi.
State Public Health Laboratory nung ketdangsertem aser staff-i nübortem dang State Food Laboratory indang tenüngdaktsü osang metetdaktsütsüla, ta paisa ashi.
Sentong nung Principal Director & Addl. Commissioner Food Safety, H&FW, Dr. Vikeyie Losu-i o jembidang “State Public Health Laboratory department tajungba küma aoer. North East ajunga nung State Food Laboratory, Level – 2 jenjang nung ajungketbaji Nagaland mezüngbuba lir aser iba atema asenok nüma atangtsüla” ta ashi.
“Principal Secretary cum Commissioner Food Safety, I. Himato Zhimomi-i department asoshi temolung agüja mapa inyakba atema kanga pelar aser maneni department nung ketdangsertem aser staff temi meranga inyakba atema tenüngsang agütsür” ta Dr. Vikeyie-isa ashi.
Asenok dang formalin enokba ango ayokba tu tansütsü ama ka ser iba mesükba mapa nungi asenok jenbua alitsü atema mapa inyaktsüla aser department-i jungjunga tenük yoktsüla, ta paisa shisem.
Sentong nungsa Food Analyst, State Public Health Laboratory, H&FW Department, Khrukutolu Veswuh-i State Public Health Laboratory indang osang metetdaktsü aser Joint Director cum Programme Officer, Food safety, H&FW department Dr. Akuo Sorhie-i anküp tepela o jembi. Iba sentong nung Retired Principal Director, Dr. Sashimeren Aier aden aser paia taoba mapang department inyaka aruba osang lemsatep.