Tuensang DPDB senden menogo

Dimapur, Monupii/May 15 (TYO): Ita shi amenba District Planning and Development Board senden May 14 nü DC office Tuensang, Conference Hall nung menogo. Iba senden ya SDO Civil, Ajit Kumar, IAS lenisüba kübok aka.
Executive Engineer (Highways)-i National Highway 202 mezüngbuba phase nung zero nungi 95 Km tashi two lane küma yanglutsü atema benokba maneni asadangshitsü nüngdakba benok. Kasa mapang nung Tuensang District Taekwondo Association tir-i 25th year anniversary (Silver jubilee) amungtsüba dak sendakba nung senotsü osang agütsü.
Maneni senden nung Tuensang district Table Tennis Association züngoksemtsü asoshi sensak asem aser iba dak sendaka aliba ketdangsertem nem jenjang tapet agitsü nongloktsü. Project Coordinator Kripa Foundation, Ketho-i, state kübok district tem rongnung HIV aketer timtiba rongnung Teunsang tanabuba jenjang nung aliba metetdaktsü. Pai nübur aser ketdangsertem dang HIV aser temesepba mozü achiba dak sendakba nung tangazükba balala agütsütsü mepeshi. District AIDS Prevention and Control Unit and Care and Support Centre DPO aser Positive Network tir-i district nung iba tashidak nokdangtsü atema facilities aliba tem indang metetdaktsü.