Nisung ka ket nungi SP mozü 36,900 apu

Dimapur, May 15 (TYO): May 14, 2019 nü New Peducha (10th Mile Road), Kohima nung Narcotic Cell, Excise department-i temesepba mozü, Spasmo Proxyvon 36,900 apu, ta tanü Dy. Commissioner of Excise (NC) Nagaland: Dimapur, S. Chanlei Angh-i sangdong ka ajanga metetdaktsü.
Intelligence osang nung ajemdaker Excise Narcotic Cell duty party-i Peducha (10th Mile Road) nung register masüba passenger Sumo gari ka soiter mita reprangba mapang nung plastic pipes nung mozü mima aliba angu; iba dak sendakba nung Yakhazha Awomi’er jabaso arishi küm 31, Vinika Awomi apu aser NDPS Act 1985 kübok tapet arrla nung ajemdaker ken o benokba sülen bushisüngdangdar, ta sangdong nung shia lir.
Pa ket nungi apuba mozüji sen lakh 6 shi jenjang asütsü. Excise Narcotic Cell duty party nung züngsemtemji AIE Chuba Yim, Head Constables- Tovika, Burtemshi aser Constables- Tokaho aser Kiyakhrielie nunger liasü.