Emporium Skill Training Institute nung interview agi

Dimapur, Monupii/May 15 (TYO): India nung hospitality brands tulutiba rongnung ka- ITC Group of Hotels-i May 13-14, 2019 anogotem nung Emporium Skill Training Institute (ESTI), Dimapur nung interview ka ayonga agiogo; India nung parnok indang signature luxury premium hotels pezü- ITC Grand Bharat, Gurgaon, ITC Maurya, New Delhi, Sheraton – New Delhi aser ITC Kohenur, Hyderabad atema interview agi, ta Bodhbarnü ketdangsertem osang ka ajanga metetdaktsü.
Nagaland nung Pradhan Mantri Kaushal Vikas Yojana (PMKVY) scheme kübok ESTI-i ita asem shia students 220 nem training agütsür; PMKVY scheme ya Skill Development scheme of Government of India indang mapatong ka lir aser state nunga Directorate of Employment, Skill Development & Entrepreneurship (DESDE)-i achaayanga inyaker.
Anogo ananü interview agiba sülen student 49 shimogo aser parnok training tembanga agiba sülen Hotel balala nung mapa angutsü. Student 49 pronglaji PMKVY scheme kübok shim.
Iba training ya PMKVY Scheme kübok Emporium Skill Training Institute nung training agirtem atema angati asütsü.
P.V.D Nandan – HR Manager, Trishna Kaur – HR Manager aser Sugandha Batra – Training Manager nungeri interview ya agia liasü.