Tezpur aser Guwahati nung security akangshir

Tezpur/Guwahati, May 17 (Agencies): Sonitpur police-i Tezpur jila nung CCTV cameras enoktsü telemtetba agiogo.
“Tezpur jila ajungalen CCTV cameras enoktsü aser tensa mita reprangtsü” ta Sonitpur superintendent of police Kumar Sanjeet Krishna-i ashi.
Bodbarnü Guwahati nung grenade apokba lendong sülen Tezpur nung CCTV cameras enoktsü telemtetba agi.
Iba tatalokba sülen Sonitpur police-i Tezpur Chamber of Commerce, shopping malls kiburtem aser private security agencies den senden balala amen.
Tezpur jila ya Assam-Arunachal Pradesh arrtsülen lir aser iba tesem ya China den international border anasa lir.
Külen, Guwahati nunga Security Audit Team (SAT) ka tentettsü atema mapa inyaker.
Guwahati nung tensa mita reprangtsü atema SAT tentettsü aser iba tebilemba ya Assam Police-i Assam sorkar dangi benogo.
“Onoki sorkar dang SAT tentettsü atema tebilemba lemsatepogo. Onoki ano telangzüba mangu” ta Guwahati East Police District nung Deputy Commissioner of Police Ramandeep Kaur-i ashi.