1957 nungi Lok Sabha election nung tetsür candidates timba kümdar

New Delhi, May 17 (Agencies): 1957 küm nungi tenzüka Lok Sabha election nung tetsür candidate tem timba-timba kümdar, kechiyong 1957 küm Lok Sabha election nungbo tetsür candidates shilem 3 dang liasü.
Ajisüaka Lok Sabha election agia arudang tetsür candidates kanga timba kümdar. 1957 küm election nung toktepter tetsür candidate shilem 49-i takok ngua liasü aser 2014 election nungbo tetsürtemi takok anguba shilemji 9 dang aküm.
Election Commission data ajanga ashiba agi, tanabuba Lok Sabha (1957) aser 9buba Lok Sabha (1989) election nung candidate rongnung tetsür shilem asem dang liasü.
1991 aser 1996 Lok Sabha election nungbo tetsür candidates shilem pezü liasü aser 1998 den 1999 election nungbo tetsür candidate shilem trok liasü.
2004 aser 2009 küm nungbo tetsür candidates shilem 9 aküm.
2014 general election nung tetsür candidate shilem 8 liasü aser tang tagidak Lok Sabha election nungbo candidates shilem 9 tetsürtem lir.
1957 küm candidate 1,519 nungi tetsür candidates 45 liasü aser parnok 22-i takok angu, ta Election Commission website nung shia lir.
4buba Lok Sabha election nung tetsür candidate shilem 40 dak temai takok angu aser 3buba Lok Sabha election nung tetsür candidate 66 nungi parnok 31-i (shilem 47) takok angu.
1971 küm election nungbo tetsür candidate 86 liasü aser parnok 21-i dang takok angu.
1980 küm 6buba Lok Sabha election nung tetsür 143-i toktep aser parnok 28-i dang takok ngua liasü.
1989 küm Lok Sabha election nung tetsür 198-i toktep aser 29-i dang takok angu.
Ano 2014 Lok Sabha election nung candidate 8,136 nungi tetsür candidate 668 liasü saka shilem 9 (tetsür 62)-i dang takok angu.
Tan election nung candidate 8,049 nungi tetsür candidate 716 lir.