Tezpur MP R P Sharma TMC nung adentsü

Guwahati, May 17 (Agencies): Bharatiya Janata Party (BJP) lennir tejen aser Assam kübok Tezpur constituency nungi MP R P Sharma-i All India Trinamool Congress (TMC) nung adentsü akok.
Iba osang ya TMC indang state committee-i Hokolbarnü metetdaktsü. Tan Lok Sabha election nung BJP-i Sharma nem ticket magütsü.
TMC state committee osang ajanga ashiba agi, May 25 nü Sharma-i TMC nung adentsü aser iba nung TMC observer Firhad Hakim adentsü.
2015 küm Himanta Biswa Sarma-i anir pa posemertem BJP nung adendang Sharma-ibo BJP lennir aser züngsem tejentem agientsü ta ajitetba tebilemba ka lemsatepa liasü.
March 16 nü pai BJP toktsüba anogo tanga national party ka nung adentsü ta Sharma-i ashi.
TMC indang state unit otongdar Bhabani Kalita-i taküm February ita nungi Sharma den tongtepratepa arur.
Iba mapang TMC-i Sharma dang TMC ticket amer Tezpur nungi Lok Sabha election nung tokteptsü tenla.
Taoba hopta Sharma Kolkata-i ao aser Firhad Hakim den senden ka amen ta osang ajangasa ashi.
May 25 nü Sharma nem Assam state TMC president mapa lemzüktsütsü ta osang ajangasa ashi.
Tang ya taoba mapang MLA Gopinath Das-i state TMC president inyaker.