ULFA lenir aser actress na police ket nung ayutsü

Guwahati, May 17 (Agencies): Olemtep nung adenba ULFA lennir Pranamoy Rajguru aser Assamese actress Jahnabi Saikia na tanü okadaki anir oa ken o angadangba sülen tena anogo 10 nü police ket nung ayutsü oshidang agütsü.
May 15, 2019 nü Guwahati nung grenade ka apokba dak sendakba nung Rajguru aser Saikia na ya yashi apu. Iba lendong nung nisung 12 tashi yiru.
“Ni temelenshi bener arur rongnung aden ashi bomb apokba nung maden. Onoki maneni inyaktsü. Ozü lima asoshi ni nüma atanger. Assam ya kodang India nung shilem ka masütsü” ta tanü Rajguru-i osangbener dang ashi.
“Kü tasoli meimbaji ozüng alema inyakba mapa ka süra, ni ozüng alema inyaker ka lir. Ozü kidang ngutetbatemji tapoktsütem masü” ta paisa ashi.
Bodbar aonung 7:45 ako meta nisung ana motorcycle ka nung mener arur Guwahati Central shopping mall anasa grenade mereploktsü ta tenük agi angurtemi ashir.