Küm 5 sülen Modi-i osangbener senden nung aden

New Delhi, May 17 (Agencies): Hokolbarnü New Delhi nung BJP headquarters nung osangbenertem den sensaksemdang Narendra Modi-i tasüngdangbatem melangzü.
Iba osangbener senden nung BJP President Amit Shah-i jembir aser BJP inyaksangshi nung inyakyim lateta aliba ama inyaktsüla, ta Modi-i ashi.
Küm pungu lir külen May 17, 2019 nü PM Modi-i mezüng atema osangbenertem den ajurutepa sensaksemdang, tan elections nung BJP-i bubo teimtiba lia takok tulu angutsü ta ashi.
BJP president Amit Shah-i ayongba osangbener senden nung Modi aden aser idangji Amit-i nüboyimba maparen inyakba osang den NDA sorkari inyaktetbatem lemsatep.
“Iba senden nung Amit Shah-i jembir anungji party inyaksangshi nung aliba ama tashi angatsü. Onok ka party tashi angaba sepaitem lir” ta Modi-i osangbenertem dang ashi.