Mkg Electrical Division-i ‘Best Performing Electrical Division award’ agizük

Mokokchung, May 20 (TYO): Mokokchung Electrical Division-i 2018-2019 kümsük nung revenue teimtiba bener arutsüba asoshi Department of Power ajanga May 14, 2019 nüto ‘Best Performing Electrical Division Award’ agütsüba osang ka Mokokchung Electrical Division Executive Engineer-i sangdong ka nung metetdaktsü.
Iba konang aketba senpet ya Mokokchung division-i kümnabuba atonga angur. Iba dak sentakba nung tongtibangsa Mokokchung division kübok aliba light atsükertemi amalitepa aser nungita meyari asübo iba award ya mungutetla. Anungji, All Ward Union Mokokchung (AWUM), UEMBs, VEMBs-temi nentaka inyakba asoshi ajak dang pelaba kasa sangdong nungsa shisem. Nübur nem service tajungtiba agütsütsü asoshi ano maneni kasa tangatetba nung ajaki nungita yaridaktsünür, ta Mokokchung Electrical Division E.E-isa mepishia metetdaktsü.