India Open Boxing: India nungeri medal 10 angutsü jangjaogo

New Delhi, Monupii/May 20 (Agencies): 2buba India Open nung world champion trokben koker alila Mary Kom 51kg category semi-final nung Asian Championships bronze medallist Nikhat Zareen den asayatsü imlar. Kasa mapang nung Asian Games gold medallist Amit Panghal (52kg) nung ayong ayonga final atongtsü imlar kong pa Asian Games silver medallist Rogen Siaga Ladon den asayatsü akok.
Iba asayamung nung asayar aika maliba ajanga India nunger asayar 10 bo medal angutsü jangjaogo. Parnok rongnung tebur trok aser tetsür pezü densema lir.
Tebur asaya nung Brijesh Yadav aser Sanjay na 81kg semi-finals-i iogo aser Naman Tanwar o Sanjeet nata 91kg semifinal-i iogo. Kasa mapang nung Satish Kumar aser Atul Thakur nata +91kg category semi-i iogo.
Tetsür asaya nung Lovlina Borgohain aser Anjali na 69kg nung medal angutsü jangjaogo aser Bhagyabati Kachari aser Sweety Boora nata 75kg mezüngbuba round nung bye anguba ajanga semifinal tongogo.
“Category ajak nung India nunger asayartem lir. Iba asayamung ya kanga jangrademtsüka asütsü aser World Championships matong tsüngda boxer tem renemshia ata litettsü,” ta Indian women’s boxing, Performance Director Raffaele Bergamasco-i ashi.
Tebur asaya nung 52kg aser 56kg category kanga toktepa asayatsü imlar kong India nunger asayartemi medal koktettsü imlar.
56kg nung Asian Championships silver medallist Kavinder Singh Bisht, Commonwealth Games bronze medallist Mohammed Hussamuddin aser World Championships bronze medallist Gaurav Bidhuri nunger tematiba jenjang atema tokteptsü aser 52kg nung Commonwealth Games gold medallist Gaurav Solanki aser GeeBee Boxing tournament bronze medallist Sachin Siwach na temaba jenjang atema asoshi asayatsü.
“56kg category nung Hussamuddin aser Kavinder na lir shibai Asian Championships nung silver medal nguogo. 52kg category nung Solanki-i tawa Poland nung gold medal nguogo aser kasa jenjang nung Amit o Sachin nata lir. Parnok kati ka den tokteptsü anugji iba asayamung nung linük nungi asayartem aser bendanglen nungi asayartem kanga meranga tokteptsü,” ta India, chief performance director Santiago Nieva-i ashi.