GPRN-i May 22 nü lumia sarasademtsü ayonger

Dimapur, Monupii/May 20, 2019 (TYO): Caretaker CAO, UT ajanga totuyuba agütsüba ama UT staff (Leacy, Razou Peyu, Khapur, RSI, PRO, PO, APO) aser region balala nungi tejangrar züngsem/lenirtem Tangkhul Baptist Church, Diphubar village nung May 22, 2019 anepdang 7:00 ako nungi tenzüka lumia sarasademba sentong nung adentsü osang sangoktsür ta MIP sangdong ka ajanga metetdaktsü.
Iba den külemi Union Territory (UT) ajanga four wheeler Tata Motor LPT 407 EX2, 38WB BS iv, bearing chasis number MAT505157J8G19124 aser engine number 4SPCR11GRY647827 ka nguteta lir. Iba gari indang registration number AS02BC 7466 alitsü.
Anungji iba osang sangdonger hopta ka tsüngta gari kiburi document tejangja bener arua UT office nungi office mapang iba gari ya agizüktsü metetdaktsür, ta kasa sangdong nungsa shia lir.