Vote azüngtsü atema Mokokchung nung tesayuba agütsü

Dimapur, Monupii/May 21 (TYO): Deputy Commissioner & District Election Officer, Mokokchng, Rajesh Soundararajan-i ayongzüka Lok Sabha Election 2019 aser Bye Election, 26 Aonglenden A.C atema vote azüngtsüba dak sendakba nung counting supervisors, counting assistants aser Micro observers tem training cum rehearsal sentong ka Mokokchung Town Hall nung agiogo.
Deputy Commissioner & DEO-i o jembiba mapang, election inyakyim nung vote azüngba maparen ya kanga tongtibang maparen ka lir ta shia ajak dang vote shidak azüngtsü mepeshi. Paisa ketdangser ajak dang mapang shidak (7:00 AM) nung arutsü mepshiba den counting hall-i EVM bener aru tenzükba sülenbo senzüsenpongtsü asoshi memelatsü ta ashi.
Kasa mapang nung Lok Sabha Election 2019 aser 26 Aonglenden A.C Bye Election vote azüngtsüba dak sedakba nung Deputy Commissioner & DEO, Mokokchung, Rajesh Soundararajan-i ashiba agi, Election Commission of India-i May 23, 2019 nü anepdang 8:00 ako nungi tenzüka Mokokchung Town Hall nung vote azüngtsü tuyuogo.
Vote azüngba mapang Counting Supervisors aser Counting Assistants, Election Commission-i temelaba agütsüba nisung shidi tejangja bener, Election dak sendakba nung duty nung aliba Public servants, Candidates, Agents aser Counting Agents tem dang ketdangsertemi agütsüba ID card tejangja bener Counting Hall-i aitdaktsütsü. Maneni mobile phone mesera tanga devices tem bener counting centre-i maitdaktsütsü, ta ketdangser sangdong ka ajanga metetdaktsü.