Jangjanüa Asüngdanger

Tir Yimyim paper agirtem : Yamai tontipang tensa ka nung kechiba Tir Yimyim paperbo madoker ya?
Kibur : Hai kechiba onok maksütsür. Yimyim madokba anogo malinung koda.
Tir Yimyim paper agirtem : Süra kechiba onok Dimapur nungsa alir nung kechiba joko anogo ishika onokbo TYY paper mangurato ya shiba tai?
Kibur : Ohoo nenok ya koba sector nung alirtem paper mangur ya?
Tir Yimyim paper agirtem : Onok ya town nungi mile pezü shi pilar lirja.
Kibur : Onoki angatetogo. Aji na, nenoki paper sen magütsüba agi ken soter dang ya asen Aor paper.
Tir Yimyim paper agirtem : Haat yamajibo tejembi onoki kodangsa paper sen sarur idangjisa agütsür nung koda. Oda aiben sen tanük malia ta ashidangbo sen 10-5 tashia odang memeshiee pelaseta agütsür. TESARUR TANG KOTANGA PAPER SEN MAGÜTSÜ MALIA SALAA.
Kibur : Hau nenoki ashibajia shidaka, saka naibo ken danga sentsü mayur saka ya nenok area dang masü, asenok Aor ya aika züzür paper ya angati agi yanglur amai bilemba agi onok asür.
Tir Yimyim paper agirtem : Ohoo ya pei oshi agirtem tai ati nibo kodanga paper billji magutsü-e mali. 2019 April tashi recieved ajak shidak yua lir. April ita atemabo 30.4.2019 saruba kü ket nung recieved kar. Ni bilemer oda ya kari magütsür or tesarur-i agir. Anungji tan nungibo shirnoki magutsür paper nung tenüng tejangja zülur sangdongang. Onok YONA AMENBA RONG NUNG AMENERTEM MASÜ.

Lilir : N. Sako Imsong, 4th Mile Diphupar, Dimapur