LS election nung Tokheho-i takok angu

Dimapur, Monupii/May 23 (TYO): Brihostibarnü NDPP nungi Tokheho Yepthomi-i Lok Sabha Nagaland Parliamentary menden nung takok nguogo, ta osang ka ajanga metetdaktsü.
Tanep nungi tenzüka vote azüngba sülen taonung 07:30 ako tashi nungbo People’s Democratic Alliance (PDA)-i shimba candidate Nationalist Democratic Progressive Party (NDPP) nungi Yepthomi-i vote 500510 angu aser Indian National Congress nungi KL Chishi-i vote 484166 angu; tena tsüngda vote ji 16,344 liasü.
April 11, 2019 nü National People’s Party (NPP) nungi Hayithung Tungoe, Independent candidate, M.M Thromwa Konyak, Yepthomi aser Chishi nungeri Lok Sabha election nung toktepa liasü.
Tungoe-i vote 14997 aser Thromba Konyak-i vote 4620 ngua liasü aser taonung 7:30 ako tashi nung None of the Above (NOTA) votes 4620 liasü.
Vote ajak senteper 1006357 liasü. April 11 nü Nagaland nung Lok Sabha election nung vote agütsütsü temsüa alir 12, 13,777 nungi shilem 83.12% (10,08891)-i vote agütsü.
Iba tetetzü vote 2534 shi dang anünga liasü, anungji osang tejangjaji official sangdong sülen ang metetdaktsütsü.