Taoba Gauhati University kaketshir lennir apu

Guwahati, May 28 (Agencies): Guwahati nung grenade pokdaktsüba lendong dak sendakba nung police-i Gauhati University students’ union nung taoba president ka puogo.
Baihata Chariali nung Gauhati University Post Graduate Students’ Union (PGSU) taoba president Sanjib Talukdar apu. RG Baruah lenmang nung grenade pokdaktsüba ken o nung pai shilem agiba atema tai tonglokja apu, ta police-i ashi.
May 15 nü ULFA (I)-i RG Baruah Road nung aliba Guwahati Central shopping mall jakdang grenade ka pokdaktsüdang nisung 12 tashi yiru.
Iba lendong matalokdang Sanjib-i phone ajanga ULFA (I) commander-in-chief Paresh Baruah den jembitepa liasü, ta police-i ashir.
“ULFA (I) tanishir Baruah tetuyuba nung ajemdaker Sanjib-i Bijoy Asom aser Papu Koch na Guwahati sema anir senzü” ta parnokisa shisem.