RMSA kübok Dimapur nung training katsüogo

Dimapur, Monupii/May 28, 2019 (TYO): Don Bosco Institute of Development & Leadership, Dimapur nung May 27, 2019 Hombarnü nungi tenzüka RMSA kübok training sentong ka ayongzüka liasü. Iba training sentong nung Dimapur, Peren aser Mon district Government school tem nungi tesayur 131 shi aruagi dendar. Iba training sentong ya May 29, 2019 Bodbarnü tashi agitsü.
Training sentong nung shisalen sayurji, Faculty Development Program nung Motivational Speaker aser mongin, GRIP Consulting Co-founder, Abhirup Banerjee lir. NBSE, Senior Academic Officer, Iluheing Nsarangbe-i telok pela agizükba o jembi aser kasa mapang iba training sentong nung tajungtiba agi shilem agia tangazükba tasen angutsü asoshi Iluheing-i tesayurtem ayongzüka liasü.
Iba training sentong agiyonga aruba tashi nung onüktem talisa – kodaser kaketshirtem ajungmesotsü, Change Management, Leadership Development aser Soft Skills tem ayimjema tesayuba agütsüogo.
Classroom Pedagogy kübok, Modern Pedagogy indang tangazükba yimya balaltem nung ajemdaker olemtep agia liasü, kong Cross over learning, Context Based Learning, Embodied Learning, Analytics of Emotion Science, Adaptive teaching, Argumentation, Computational Learning, Incidental Learning aser Stealth Assessment onüktem ayimjema Abhirup-i jembiogo.
Abhirup Banerjee-isa meimchertem indang tangazükba aser shisatsü (Multiple Intelligence) nung ajemdaker jembia liasü.
Iba training session nung imyakyim balala aser role play tem agia liasü, koba ajanga tesayurtemi team building aser collaboration indang tongtibangtem angazük.
Maneni, training programme indang tanabuba shilem ya Kohima, Wokha aser Phek district nung Sorkar tesayurtem nemkatsütsü. Iba sentong ya May 30 nungi tenzüka June 1, 2019 nü tashi ayonga agitsü.