Kohima nung CWSN pur atema Escort allowance agütsü

Kohima, May 28 (TYO): May 28, 2019 nü Ruzhukhrie GHSS Multipurpose Hall, Kohima nung children with special needs (CWSN) atema Escort allowance alemba den mini sports repsema agiogo, ta ketdangsertem osang ka ajanga metetdaktsü.
Iba sentong nung jembidang Kohima DC, Anoop Khinchi, IAS-i tsüraburtem dang tanurtem tangar den liromedema alitsü atema item facilities agitsü asoshi marendaki pei chirnur anir arutsüla, ta ajungshi.
Asst. Coordinator SSA, Thongsenlo-i, register süa aliba tanur 134 nungi tanur 70-i iba allowance agizükogo; tanü sentong nung madenba tsüraburtemi NBCC Convention Hall anasa District Education Office, Kohima nung iba allowance agizüktsü akok, ta metetdaktsü.
Iba sentong ya District Mission Authority (DMA) Kohima-i ayongzükba liasü.