Ketdangser kati sen lakh 14 agiba atema aitsü

Aizawl, May 28 (Agencies): Mizoram nung Rodney Lalrinawma Ralte (IAS)-i sen lakh 14 tim mesüi amshiba atema Special Judge, Mizoram-i tai tongloktsü.
Rodney ya tang Mizoram sorkar nung secretary inyaker aser pa ya taoba mapang Mamit district nung deputy commissioner liasü.
Iba onük atema Rodney küm asem tepuokdak ayutsü aser sen lakh 5 senchi agütsütsü atema okadaki tetuyuba agütsü.
Special Judge, Mizoram indang okadakisa pa nem ita ka indang anticipatory bail temelaba agütsüogo. Osang angazükba agi Rodney-i temaba okadak kati iba onük abentsü sentong lir.
Mamit nung deputy commissioner inyakdang Rodney L Ralte-i public sen miimzüka agi ta tai tonglokja lir.
National Tiger Conservation Authority-i Andermanik Dampa Tiger Reserve tanga tesem kati belentsü atema Rs 2770 lakhs lemzüktsü. Iba onok atema bushisüngdangba ajanga iba sen nungi Rodney-i 3% tim mesüi amshiba putet.
Paisa Andermanik yimtsüng nung side drain, rest shed, public toilet aser septic tank yangluba maparen nung sen miimzüka agi ta tai tonglokja lir.
July 2011 nungi June 2012 tashi pai Mamit deputy commissioner nung inyak.