Kejriwal-i jembiba ama Amit Shah Home Minister shimogo

New Delhi, May 31 (Agencies): May 4, 2019 nü AAP tongti aser Delhi Chief Minister, Arvind Kejriwal-i twitter ajanga, Narendra Modi-i anir tanaben sorkar kümra BJP Tir, Amit Shah Home Minister akümtsü, ta metetdaktsü, aser ajioda atangji Hokolbarnü Narendra Modi-i Amit Shah Home Minister shimogo.
Hopta ishika tejaklen twitter ajanga Kejriwal-i India nunger dang, Amit Shah Home Minister kümra India tarutsü tiaji tetsübutsüka asütsü, anungji India nungeri vote magütsüdang kanga junga shisadangtsüla, ta metetdakja liasü.
“Vote magütsüdang yimlibilema iba atemaji junga shisadangang,” ta Kejriwal-i twitter ajanga mepishi.
Delhi Chief Minister-isa, taoba mapang Chief Economic Adviser, Arvind Virmani mesüra RBI Governor, Bimal Jalan-i Finance Minister junga inyaktsü, ta metetdakja liasü.
Kejriwal-i shinba ama BJP Tir, Amit Shah-i Rajnath Singh melenzüka Home Minister kümogo, aser Rajnath Defence Minister kümogo.
Brihostibar aonung Rashtrapati Bhavan nung Narendra Modi den MP 24-i Cabinet Minister inyaktsü atema tenangzükba agia liasü.