‘Mission Chalo Paltai 2021’ anema FIR benok

Guwahati, May 31 (Agencies): Guwahati nung Right To Information (RTI) activist Dulal Bora-i tanü ‘Mission Chalo Paltai 2021’ anema FIR ka benokogo.
“Garga Chatterjee ta ser West Bengal nung shisashir ka ta ajar kati Facebook nung ‘Mission Chalo Paltai 2021’ campaign ka tenzüka lir. Iba ya Assam nung mepetmesü adokdaktsütsü atema Assamese nunger anema tenzükba mapa ka lir. Pai Assamese oshi anema jembiogo” ta Bora-i ashi.
“Nisung kari Assam nung Bengali oshi ya tetsü oshi kümdaktsütsü meranger. Parnoki Assam nung Bengali oshi jembirtem ajungmesor” ta paisa ashi.
Assam nung Bengali lennirtem- Shantanu Mukhopadhyay aser Chandan Chatterjee na lia Garga Chatterjee-i Assamese nungertem amokmerena jembi, ta paisa tai tongloktsü.
Chatterjee, Chandan aser Mukhopadhyay nungertemi National Register of Citizens (NRC) nung kin telemsa adoktsüsa o jembi. Iba ajanga Assam nung Bengali oshir jembirtem aser Assamese nunger tsüngda mepetmesü adoktsü ta Bora-i benokba FIR nungsa shia lir.
Chatterjee-i Facebook nung ‘Onek Hol Joi Aai Asom, Eibar Joi Ma Asam’, ‘Asamer Vobishyat Hol Bangalir Adhikar Pratisha’ amala yimyimtem sangokja lir ta paisa shisem.
Basistha Police Station nung Chatterjee anema Indian Penal Code (IPC) nung arrla 120B, 294A, 153 aser 153 A kübok ken o ka benokogo.