Kohima nungi Rapper Macnivil-i Music Video ka saya

Kohima, Monupii/May 31, 2019 (TYO): Nagaland nung Hip-Hop kentener rongnung mezüngpur rapper Macnivil-i music video tasen ka saya sapurtem süngmangdaktsüogo.
Osangtem ajanga angazükba agi, Macnivil indang music video tasenba ya Nagaland aser Manipur tesemtem nung tangoka liasü.
Terprangertem ano tali saksalemdaktsütsü asoshi, music video ka nung drone amshia tangokba ariel footage tem inoka yangluba Naga nunger rapper rongnung pa mezüng asütsü.
Iba music video nüngja “Ura Uvie” lir aser iba ken ya Macnivil indang kensep nungi ken tanabuba asütsü.
Ken angartem jangraemdaktsütsü asoshi iba ken ya rap yimya den tune tajung meyoktepa yangu, ta Macnivil-i ashi.
Naga Twist aser The Mix Kohima na longjema co-sponsor ama bener aruba music video nungsa Nagaland indang mezüng Top Model Lovi Awomi-i shilem agir.
Iba project atema Caroline Sangtam aser NCL Streetwear na Make up & style partner liasü.
Maneni, iba music video ya nüburtemi saputsü ta viewers temi telangzüba tajung agütsüogo aser shishilembadak iba ken ajanga takok tulu angutsü, ta asadangtetter.
Tejangrartemi, iba music video ya YouTube ajanga reprangtettsü.