Wokha District nung 7buba Economic Census atema training agiogo

Wokha, June 03 (TYO): 7buba Economic Census atema June 3, 2019 nü Wokha Deputy Commissioner indang Conference Hall nung Enumerators aser Supervisors atema training agiogo, ta ketdangsertem osang ka ajanga metetdaktsü.
Training agirtem den jembidang Wokha Deputy Commissioner & Chairman, District Level Coordination Committee, Dr. Manazir Jeelani Samoon-i, “Asenoki Economic Census indang angaatettsüji kanga tongtibang, kechiyong sorkar asalentong, terenlok mapatem, schemes aser mapatong balala atema statistical data ji kanga tongtibang, aser census data nung ajemdaker asalentong yanglur,” ta metetdaktsü.
Paisa supervisors aser enumerators ajak dang, economic census takok ngua agitettsü atema pei nem lemzüktsüba mapa kanga nendaka inyaktsü ajungshi.
Pai ashiba agi, tangbo data bendentsü atema mapaji CSC nem lemzüktsüogo, aser data enter asütsü atema mobile device/application amshitsü.
Wokha District Economics & Statistical Officer-i training agirtem dang Economic Census 2019 indang metetdakja liasü aser District Manager, Common Services Centre (CSC-SPV) Chenibemo Ngullie-i training agirtem dang Walk True-app indang metetdaktsü.