DIPR, Plastic & tobacco free zone asütsü

Kohima, June 03 (TYO): Directorate of Information & Public Relations (DIPR) Plastic free & Tobacco free zone asütsü, ta ketdangsertem osang ka ajanga metetdaktsü.
Tanü DIPR Conference hall nung sentong tatsüka agia liasü aser iba sentong nung IPR Director leniba nung staff tem ajaki office telungtet nung single use plastic mamshitsü lemtetba den külemi tobacco free zone asütsü sangdong.
Iba telemtetba agiba dak sendakba nung office building floor ajak nung tzü filter yuogo aser staff ajak dang peipei tzü bottle bener arutsü ajungshi.
Staff temisa office-i arudang plastic bags bener marutsü bangzüngogo.