Community mobilization aser training sentong agiogo

Kohima, Aami/June 3 (TYO): Sharva Shiksha Abhiyan (SSA) Nagaland, lenisüba kübok School Management Committee (SMC) aser School Management & Development Committee (SMDC) indang community mobilization aser training sentong Shamator aser Noklak nung May 30 aser 31, 2019 nü Educational Blocks & Resource Centre (EBRC) nung takok ngua kaogo.
DMA SSA Tuensang sangdong ka ajanga ashiba agi, iba sentong nung shisalen agütsürtemji District Mission Authority (DMA) Sharva Shiksha Abhiyan (SSA) aser State Mission Authority (DMA) Sharva Shiksha Abhiyan (SSA) staff tem liasü.
Sentong nung lokti tentet balala lenirtem nem SMC, SMDC inyakyim, account record keeping aser maintenance, inclusive Education, Right to Education (RTE), Out of School Children (OoSC) amala onük tem nung tangazükba balala agüja liasü, ta kasa sangdong ajanga metetdaktsü.
EBRC Noklak nung Extra Assistant Commissioner (EAC) Hq. Yitachu Thurr-i sentong nung o jembi, kong pai lokti tentet balala lenirtem dang tejakleni arua tanurtem tarutsü asoshi education inyakyim asendenshitsü ayongzük. Paisa, school nung shidakba tesayur maruba indang onük benoka jembi aser SMC züngsemtem dang iba amala inyakyim meita alitsü ajungshi.
Sub-Inspector of School, Noklak-i o jembiba mapang tesayurtem attendance asadangba mobile apps training indang jembiba den Government schools tem junga inyaksangshi mesütetba tebilemtsü lemsatep.
SIS-isa HSLC result majungba ya Maths aser Science tesayur peria maliba ajanga lir, ta ashi.
Maneni Hakushang, Noksen aser Longkhim EBRC tem nung June 4, 10 aser 11 nü training agitsü.