Longleng nung tetsürtem atema awareness sentong ka agi

Longleng, June 03 (TYO): Mahila Shakti Kendra Longleng den district task force (DTF) BBBP-i ayongzüka June 1, 2019 nü Sakshi Block Longleng kübok Yongphang & Pongo yim nung tetsürtem dak sendakba onük balala aser scheme balala indang advocacy campaign ka agiogo, ta ketdangsertem osang ka ajanga metetdaktsü.
WWO MSK Longleng, P. Phungla Phom-i tetsür aser jalatem dak sendakba onüktem aser scheme balala indang jembidang lai, tetsürtem, talisa mashisa tsürtem aser mama yongdaktsür tetsürtemi parnok atema agütsüba tajangzük balala agitsü ajungshi.
Laisa scheme balala aser offices- One Stop Centre, Women helpline (181), Sukanya Samriddhi Account, POSCO Act, Poshan Abhiyaan aser MSK (DLCW) indang metetdaktsü.
Kasa sentong nung jala pongu aser jabaso ana (tanur 7) mesüteta tajung kümdaktsür amitsür ka nem tetushi agütsü.
Mezüngbuba sentong tembangba sülen tetsür aser jalatem indang tebilemtsü onük balala nung o lemtepa liasü.
Yimtsüng nungi class 10 aser class 12 nung takok junga angurtem nem tetushi agütsü aser school nung admission magitettsüsa senotsü maliba tetsür ka nem citations agütsü.
Iba sentong ya district coordinator, MSK Longleng, Titunungla Phom leniba nung agia liasü.