Indian Army-i telungpur asem apu

Kohima, Aami/June 04, 2019 (TYO): Osang tejangja ka angazükba nung ajemdaker June 02, 2019 Deobarnü India Arma aser Bishenpur Police Commandos longjema Old Cachar Road, Bishenpur jila den sendaktepa aliba yimtsüng ka mita aoba mapang Zeliangrong United Front (ZUF) telungpur asem pua liasü.
Pua alir telungpur asem tenüngji – Lt Gen Arei Thoitak Chiru, Commander-in-Chief (Military Wing), Maj Simeon Kharam @ RK aser Lt Col Kalandi David Gonmei, Joint Secretary, Makuilongdi Region nunger ta jangjaogo.
Par asem ket nungi prangbong balala indang injang 31shi ngutet.
Telungpur asem ya ozüng alema inyakba maparen dak sendakba nung densema lir aser tang par asem apuba ajanga par telok jenjang raksatsü akok.
Mapang talangka nungi Security Forces-i Lt Gen Arei Thoitak Chiru aputsü atema meranga mita liasü.
Army aser Police na longjema item telungpur apuba ajanga yimtsüng nung alir nüburtem nem anisüngzük bener arutsüogo.
Telungpur asem den külemi parnok ket nungi anguba injangtem Police Station Bishenpur nung yutsüogo, ta Col C Konwer. PRO (DEF) ajanga sangdong ka nung metetdaktsü.