Mkg nung 7buba Economic Census atema training agi

June 04, 2019 nü Mokokchung nung 7buba Economic Census iatema District Level Workshop den Training agidang tangokba noksa nung angur.

Mokokchung, Aami/June 04 (TYO): Statistic & Programme Implementation Ministry, GOI-i sponsor süa CSC e- Governance services India Ltd. den ayongteper District Level Co-ordination Committee-i June 04, 2019 nü Hotel Metsuben, Mokokchung nung 7buba Economic Census 2019 atema District Level Workshop den Training repsema agiogo, ta ketdangsertem osang ka ajanga metetdaktsü.
Iba sentong nung census agitsüpurtem den jembidang Mokokchung Addl. Deputy Commissioner, W. Manpai Phom-i, Census mapa ya zübazüba magitsüla, saka kanga nendaka inyaktsüla, kechiyong survey agidang bendenba Data nungji ajemdaker ang sorkar mapatong balala atema asalentong yanglua inyaktsü, ta metetdaktsü.
District Manager CSC-SPV, Sosanglemba Longkumer-i lokti pelaa agizükba o jembi, FI (DESO), Mokokchung Sunup Longkumer-i Power Point ajanga 7buba Economic Census indang metetdaktsü aser District Manager CSC-SPV, Sunep Longkumer-i tepela anküp o jembia liasü.
Iba sentong ya VLE CSC-SPV, Lipoksungkum leniba nung agi. Training nung district kübok block balala nungi Supervisors aser Enumerators dena liasü.