NDPP Central Youth Org-i ayongzüka World Environment Day amung

Dimapur, Aami/June 6 (TYO): NDPP Central Youth Organization den Regional Youth Organisation temi District headquarters ajak nung June 5 nü World Environment Day amungba nüngtem nung merekmeju sentong yongzüka akaba den repsema süngtong temja liasü.
District/ Region Youth Organisation züngsemtem aika arua iba sentong nung shilem tajung agiba atema Central Youth Organization-i pelaba metetdaktsüogo. NDPP Party “plastic free” campaign temulungdang yur NDPP central Youth organization-i lanur ajak dang plastic amshiba anema nokdaka plastic free campaign ajungkettsür kaka akümtsü mepeshiba, party media cell sangdong ka ajanga metetdaktsü.