Sepaitemi akhüm agüja Dziivingozo mang remtsüogo

Kohima, June 06 (TYO): Nagaland nungi Air Warrior Cpl (asür) Dziivingozo Weo May 31, 2019 nü alima nungi pilaogo, aser tanü sepaitemi akhüm tulu agüja pa mang par yimdak, Jakhama nung remtsüogo, ta Col C Konwer PRO (DEF)-i sangdong ka nung metetdaktsü.
Air Warrior, Dziivingozo Weo ya 1988 küm April 28 nü aso aser 2 Wing Air Force Station nung tenzükba mapang nung asü.
AOC 2 Wing Air Force, Station Commander Zakhama Military Station, GOC 57 Mountain Division, Corps Commander 3 Corps aser Chief of Air Staff tenüng nung Zakhama nung164 Inf Bn (TA) (Home & Hearth)-i pa nem Mil honour agütsü.
“Asür kibong aser Jakhama yimdak alir ajak den mangyim jashi lemsateper.Tsüngremi asür tanela tesünep nung anisüngzükdakjang ta sarasademtsür,” ta kasa sangdong nung shia lir.