S.M College nung workshop sentong ka agi

Dimapur, Aami/June 11, 2019 (TYO): Sakus Mission College auditorium nung June 11, 2019 Mongolbarnü “Workshop on Research Methodology: Social Science Research Methods” onük nung ajemdaker IQAC aser Dept. Of Political Science nati workshop sentong ka ayongzüka liasü.
Iba sentong nung shisalen sayurji Aniruddha Babar, Asst. Prof. Department of Political Science, Tetso College, Dimapur liasü.
Sentong nung jembiba mapang Babar-i, research indang tera aser nükjidong dak sentakba tongtibangtem, project papers aser research papers koda zülutsü yimya balalatem aser higher education o career development nung kaketshirtem atema research nüngdakba indang onüktem nung ajemdaker rasa ashi.
Iba sentong nung Repa Imchen, Asst. Prof. Department of Political Science, SMC mendenbuba liasü. SMC Principal, Dr. Arenla Aier-i shisalen sayur aser workshop sentong nung adenertem pela agizük, SMC, Department of Education, HOD, Ms. Limanaro-i tepela anküp o jembi. Iba sentong ajanga college nung kaketshirtem aser teaching staff tangazükba tasen nguogo.