7 buba Economic Census atema senden amen

Dimapur, June 11 (TYO): 7 buba Economic Census atema State Level Coordination Committee (SLCC) senden ka tanü amen.
Nagaland Chief Secretary aser SLCC Chairman Temjen Toy indang Conference Room nung sendenji amen.
7th Economic Census mapa inyakba nung supervisors aser enumerators nem sen agütsütsü aser nübo bushiteptsü indang onüktem senden nung benoka lemsatep.
Chief Secretary, Temjen Toy-i o jembidang “economic census ya kanga tongtipang lir, kechiyong iba ajanga GST mapa inyaker aser loan nungi tenzüker finance commission tashi inyakba mapa ajak amsemer” ta ashi.
Field officer temi iba ya teti inyakba mapa ka ama dang mebilemtsüla saka kanga dang nendaka inyaktsü ayongzüker, ta paisa ashi.
Senden nung Commissioner & Secretary, Information Technology, K. D. Vizo, ITS-i Economic Census indang temetettsü lemsatep.
Commissioner & Secretary, Economic & Statistic, Kelei Zeliang, IAS-ia o jembidang ashiba agi “Supervisors aser enumerator temi mapa inyakdang timtem kanga ajurur anungji parnok nem honorarium kilen shia sen 3 agüja arubaji sen 10 kümtsütsüla.”
Iba mapa ya telok asem- Common Service Centre, Department of Economics & Statistic aser National Sample Survey Organisation (Field Operation Division) ajanga inyaker, ta Kelei-isa ashi.