Imphal East nung prangpong-injang apu

Imphal, June 14 (Agencies): National Investigation Agency (NIA) aser Assam Riffes telok kati Manipur kübok Imphal East district nung prangpong-injang aika apu.
NIA-i bushisüngdanga aodang AK-56 ka den magazine 3, round 180, 0.38 pistol ka aser injang round pezü angu, ta NIA sangdong ka nung metetdaktsü.
Parnokisa 0.32 pistol ka, hand grenade ana, 9 mm pistol round 10 aser camouflage uniforms pungu ngutet, ta parnokisa ashi.
Prangpong-injangtemji KCP (PWG) chairman Moirangthem Rana Meitei den yaritepertem indang liasü ta NIA-isa ashi.
Iba dak sendakba nung Unlawful Activities (Prevention) Act kübok onük kar benokogo. KCP (PWG) züngsemtemi tashiyim agi nübortem, sorkar department tem, school aser tanga rejutem dang sen meshiba atema tai tongloktsü.
Iba onük asoshi NIA-i Laishram Ranjit Meitei, Khumanthem Naobicha Singh, Thoudam Chaothoi Singh aser Moirangthem Rana Meitei nunger dak tai tonglokja lir.