DPC-i registration atema sangdonger

Dimapur, Aami/June 14 (TYO): Hokolbarnü Dimapur Press Club (DPC)-i sangdong ka ajanga züngsem ajak dang DPC executives ket nungi membership form meshitsü aser June 30, 2019 anogo tashi nung form ji meyipa agütsütsü metetdaktsüogo.
DPC nung züngsem tejenpurtem atema membership renewal fee ji sen 200 asütsü aser züngsem tasenpurtem membership fee ji sen 300 asütsü; membership form atema züngsemtemi DPC President aser General secretary na den metetpelatsü akok, ta DPC General Secretary, S Henlly Phom-i metetdaktsü.