NDPP 5 Ghaspani-II-i aitsür

Dimapur, June 14 (TYO): June 10, 2019 nü Zoological Park, Dimapur nung Mrs. Helen Zhimo tepsetba aitsür ta NDPP 5 Ghaspani-II A/C-i metetdaktsü.
La ya Phuhoto nunger Phoishe Zhimo kinungtsü liasü aser iba ama tashiyim mapa inyakba ya tangatetba shitak alir ajaki aitsütsüla, ta parnokisa ashi.
NDPP 5 Ghaspani-II A/C-isa ozüng amertem dang aibelenertem aputsü aser tekaratiba nung temeten agütsütsü atema ayongzük.
NDPP-i tasür kibong den asükhu lemsateper. Tsüngremi nenok molung sünepjang aser iba khuret koktettsü shisatsü agüjang ta sarasademtsür, ta NDPP 5 Ghaspani-II A/C President Dosau Kuotsu aser General Secretary Tokihe Zhimomi nati sangdong ka nung ashi.