Mkg nung Inter-Higher Sec School-tem rongnung essay tetoktepba aka

Mokokchung, June 17 (TYO): June 15 nü to Mayangnokcha Govt. Hr. Sec School Mokokchung nung Inter-Higher Secondary School-tem rongnung otsü rajem (essay) zülu tetoktepba sentong ka kaogo. Iba sentong ya State Bank of India (SBI) Mokokchungi parnok küm tenem ajungba jubilee nüngtem nung ayongzük, ta osang ka ajanga metetdaktsü.
Otsü rajem tetoktepbaji “Impact and Scope of Banking” onük nung ajemdaker zülutep aser iba tetoktepba nung school balala nungi kaketshir parnok 16-i shilem agia liasü. Iba nung Queen Mary Hr. Sec. School (QMHSS) nungi Opanglemla Kichui mezüng jenjang angu. Mayangnokcha Govt. higher Secondary School (MGHSS) nungi N. Wonchilo Odyuo aser Imsutemjen Hr. Sec. School (IHSS) nungi Cheyongdangla Imchen nadi tanabuba aser tasembuba senpetji agizük.