DGP-i police Dept website lapoktsü

Dimapur, June 17 (TYO) : June 15 nü Rhododendron Hall, Police Complex, Chumukedima nung DGP Nagaland, T.J. Longkumer, IPS-i e-patrol tenzüktsü aser Nagaland Police indang website tasenba lapoktsüogo, ta ketdangsertem osang ka ajanga metetdaktsü.
Iba sentong nung jembidang Nagaland DGP, T.J. Longkumer-i, tanü lima ya digital lima ka lir, anungji Police Department-ia tensa den apet melenshitsü nüngdaker, ta ashi.
Paisa, cyber crime tali buluba nokdangtsü atema Nagaland police-i digital upgrade asür, ta ashi.
Pai ashiba agi, iba website nung kanga melemela metetpelatettsü anungji sensotemi iba maongka agia tashishiba ken o sademsadema agütsütsüla, ta ayongzük.
Iba dak alia Cyber security indang training ka agi aser shisalen sayurji Director, Blak Tronics Investigation Labs, Ishaan Sinha liasü.