Family Counseling Centre Sub Committee senden amen

Mokokchung, June 18 (TYO): Family Conseling Centre (FCC), Care and Support Society indang Sub Committee pur 2019-20 kümsük atema mezüngbuba senden June 18 nü Care & Support Office nung menogo, ta Managing Director, Care and Support Society, Imchawati Kichu-i sangdong ka nung metetdaktsü.
Iba senden nung SDPO, Mokokchung, OC WOmen Police Station, Mokokchung, Watsu nungi züngsem, Counselor FCC & Managing Director, C&SS aden.
Senden nung HIV keta alir tanurtem atema Nagaland sorkari ketdangsüba shelter home maliba aser anema alibaren tsütsü onük aika nung o lemtep. Senden nungsa seminar, penal talk aser radio sentongtem ajanga tebilemtsü onük balala indang awareness agütsütsü atema lemtet. Committee-isa tebilemtsü onük aika nung Arogoi tongtibang shilem agitettsüsa lir, ta bangjema liasü.