Nagaland nung two wheeler taxi service nüngdaker

Dimapur, June 18 (TYO): Kohima nung küm ka jungnüa two-wheeler taxi service mapa inyaka arur aser jila nung alirtemi anogoshia iba service amshir.
Kohima ama traffic timtem kanga ajuruba jila nung nübortemi two-wheeler taxi service ajanga mapang shitak nung pei tatongtsü tonga senzüteter. Maneni, iba mapa ya zünger mapa manguba Naga lanurtemi aayangba mapa ka lir.
Anungji bangdak department-i Nagaland nung two wheeler taxi service tenzüktsü atema mapa inyaktsü asoshi sensotem aser civil society temi ola adoktsü ayongzüker, ta Kohima nung Two-wheeler Taxi riders-i sangdong ka nung metetdaktsü.