Meghalaya nung Northeast Food Show amungtsü

Shillong, June 19 (Agencies): Meghalaya sorkari December 4 nungi 6 tashi Northeast Food Show ka ayonga agitsü sentong lir.
Parnoki SIAL den yaritepa North Eastern Hill University (NEHU), Shillong nung iba sentong agitsü.
Northeast Food Show atema mezüngbuba advisory council ka tanü Shillong nung amendang iba osang metetdaktsü. Senden nung mendenji Deputy chief minister Prestone Tynsong liasü aser Meghalaya State Farmers’ Empowerment Commission, K N Kumar den Agriculture o Horticulture department tem nungi ketdangsertem aden.
Chief minister Conrad Sangma-i New Delhi nung ‘one nation one election’ senden nung adentsü atema aoba agi tanü Prestone-i Conrad tenüng nung aden.
Senden nung SIAL India nung Director Adalyne-i SIAL indang osang lemsatepdang parnoki India dena linük balala nung mapa inyaker ta ashi.
SIAL-i September 19 nungi 21 tashi New Delhi nung Indian Food Innovation Exhibition ayongzüka amungtsü ta laisa ashi.
Meghalaya sorkari aluyimertem ajangzükdaktsütsü atema food processing directorate ka lapoktsü mapa inyaker ta Tynsong-ia ashi.