Nagaon & Cachar Paper Mill lapoktsü atema Union Minister den ajurutep

Guwahati, June 19 (Agencies): Bharatiya Janata Party (BJP) nungi teshimtet telok kati tanü Union Minister of the Heavy Industries and Public Enterprise Ministry, Arvind Ganpat Sawant den ajurutepa Nagaon aser Cachar Paper Mills lapoktsü atema tezüluba ka agütsü.
Nagaon Paper Mill ji 2015 aser Cachar Paper Mill ji 2017 nung shibanga liasü.
Assam nung paper mill anaji lapoktsü atema mapa inyakang ta parnoki Union Minister dang ashi.
BJP teshimtet telokisa Minister dang Public-Private Partnership (PPP) model nung mapa inyaktsü tebilemba ka lemsatep.
May 29, 2019 nü National Company Law Appellate Tribunal (NCLAT) ajanga Nagaon aser Cachar paper mill tem lapoktsü atema tetuyuba agütsü.
Cachar Paper Mill ya Hailakandi district kübok Panchgram aser Nagaon Paper Mill ya Morigaon district kübok Jagiroad nung lir.