Pema Khandu-i telungpur timtem aliba district tem renlokdaktsünür

Itanagar, June 19 (Agencies): Arunachal Pradesh chief minister Pema Khandu-i Union finance ministry dang China den arrtsüa aliba tesemtem aser telungpur khuret ajurua aliba district 3 nung terenlok mapa inyaktsü shiogo.
Union finance & corporate affairs minister Nirmala Sitharaman den ajurutepdang Khandu-i Tirap, Changlang aser Longding district tem nung aser ano India-China arrtsülen renlokdaktsütsü atema Centre dang teyari meshi.
Iba mapang Deputy chief minister Chowna Mein aser Arunachal East MP Tapir Gao nati pa meina liasü.
Khandu-isa Hollongi nung Greenfield Airport ka yanglutsü atema senotsü meshi. India kübok state yimtiba nung tayimtsü anendak malibaji Arunachal Pradesh nung dang lir, ta paisa shisem.
Arunachal Pradesh kübok district asem nung telungpurtem jenoker aser iba ajanga parnok Myanmar-i oli-aruli ta senzüsenbonger.