Top 100 Universities rongnung Indian university kata maden

New Delhi, June 19 (Agencies): India nung shisaliok sector nung kanga terenlok liaka global higher education consultancy Quacquarelli Symonds (QS)-i renemba, alima nung Uniaversity tajungtiba 100 rongnung India nunger university/institution bo ka danga densema mali.
Ajisüaka top 200 universities list nungbo India nunger Universities- IIT-Bombay, IIT-Delhi aser IISc (Bangalore) densema lir.
Taküm agi küm anabuba India nung University tajungtibaji IIT-Bombay lir, aser taküm jenjang 10 agi tajungba küma 2019 QS World University Rankings nung IIT-Bombay jenjang 152 nung lir. IIT Delhi-a jenjang 182 nung lir.
16buba QS World University Rankings nung India nunger institutes 23 densema lir. India nunger institutes 23 nungjagi pezübo jenjang kanga junga aküm saka institution tenetbo jenjang aluadok.
Taküm QS World University Rankings nung adener India nunger University tasenji OP Jindal Global University dang lir.
World ranking nung IIT-Bombay jenjang ano tajungba akümbaji research agiba tsütsü junga inyaktetba ajanga lir.
Alima nung top 100 universities mezüngbuba jenjang nung Massachusetts Institute of Technology (MIT) lir, iba sülen tanabuba aser tasembuba jenjang nung Standford University aser Harvard University na lir.
Global higher education consultancy Quacquarelli Symonds (QS)-i renemba ranking nung taküm agi küm 8 tashi atonga temaba jenjang nung Massachusetts Institute of Technology (MIT) lir.
Top 10 institutes rongnung pongubo United States nungi lir aser United Kingdom nungi pezü lir.
Tang alima nung top 200 research universities nung China nungi university 19 tashi lir.