DCCI lokti senden amentsü

Dimapur, June 19 (TYO): June 22, 2019 nü Dimapur Chamber of Commerce and Industry (DCCI) indang lokti senden amentsü.
Durga Mandir anasa Old Market nung sendenji anepdang 8:30 nungi 10:30 ako tasshi amentsü. Anungji shishilembartem ajaki pei dokan, manufacturing units, factories shibanger senden nung arua adentsü metetdaktsür, ta DCCI President Akashe Zhimomi aser General Secretary Anjay Sethi nati sangdong ka nung ashi.
Iba mapang medical dokantem dang lapokdaktsütsü saka kiburtem senden nung arua adentsüla, ta DCCI mendenpurtemisa ashi.
Senden tembangba sülen akhi ama shishilembabaren tenzüktsü. Iba senden nung menden tarensenji kiyong, lenmang aser temeket sasep nung dang lemzüktsütsü aser tenüng ajatsü anungji züngsem ajaki medema arura adentsü mepishir, ta DCCI-isa metetdaktsü.