Dimapur nungi lanur ana ashioktsü

Tezpur, June 19 (Agencies): June 19, 2019 nü Tezpur police-i hon taila shibelena ayoker nisung 6 apu aser parnok ket nungi ‘duplicate gold bars’ pungu ngutetogo.
Taila hon shibelenertemji Ali Hussain, Ajmal Hussain, Mainul Hoque, Sydul Islam, Iqbal Hussain aser Rafiqul Islam nungertem lir ta jangjaogo.
Osang ajanga ashiba agi parnoki June 18, 2019 nü Dimapur nung lanur ana dang gold biscuits pungu ayoktsü ta shir jaok.
Parnoki gold biscuit ka sen lakh 1.2 yong yokdok aser Dimapur nungi aruba lanur ana ket nung bena aliba sen ajak rakzüktsü merang.
Lanur ana jagi police nem iba osang sangoktsüba sülen tesem tonga orr hon shibelenertemji apu.
Iba telok yagi Tezpur kübok tesem balala nung taila hon shibelena ayokba mapa inyaka aru, ta police-i ashi.