PM Modi June 27-29 anogotem nung G20 senden nung adentsü

New Delhi, June 21 (Agencies): Ato kilonser, Narendra Modi June 27 nungi 29 tashi Japan kübok Osaka yimti nung ayongzükba G20 senden nung adentsü, ta tanü Ministry of External Affairs (MEA)-i metetdaktsü.
MEA otongdar, Raveesh Kumar-i, iba senden nung Union Minister Suresh Prabhu-a adentsü, ta metetdaktsü. “Tang agi trokbenbuba Ato kilonser Modi-i iba senden nung adentsü. Pai tanga linüktem den-a senden amentsü,” ta Kumar-i metetdaktsü.
G20 züngsem linüktemji Argentina, Australia, Brazil, Canada, China, European Union, France, Germany, India, Indonesia, Italy, Japan, Mexico, Russia, Saudi Arabia, South Africa, South Korea, Turkey, UK aser US lir.
G20 linüktem indang rongsenkettsüngji gross world product shilem 90 shi lir, world trade shilem 80, alima nung nütsüng shilem asem nungi anasü lir aser alima litsü tesadangka shi lir.