Alar tia nungi nüchi dangi

– Süpongnüngsang Longkümer, Darogapathar Dimapur.

Laishiba azüngba ajanga lenmang palala nung angatettsü akok, kari Tsüngremji pei kapu nung ali ama züngtettsü, kari meimchir azüoktsü atema ozüng zülua doktsü ama bilema alitsü akok. Kari Tsüngremji pei mulungjang taroktiba nung anioka Tsüngrem pushitsü ta bilema azüngtsü akok. Kari pei tebilemba lenmang nung amshitsü zünga alitsü akok. Kechaser iba Tsüngrem o ya kaket rongnung kaketdi anungji taküm Tsüngrem memetetteria iba nungi shisatsü pushir ta angazüker. Anungji item rongnung na kechi nung aden? mesüra nü tamang jenjang kechi nung ali? Tsüngremi alima yanglur iba nung aliba ajak aser anüng nung meimchiri kongshitsü makokbatem ajak agi pa sentsüwangshi metetdaktsütsü meimchir yanglu. (Takümji Tsüngrem tenlaki temangbo samatsü, tanülaji meyipba agitsü. Iba taküm agi pa külemtsü tenlaki tepur junga yanglur iba telong nung Tsüngrem külemer saka tenlakiji long ka manung ka anünga meyutsüe samatsü, tamanger tanüla pai kümzüktsü) Saka meimchiri Mojing dang peladaktsü nung mulumi shilem angutsü.
Anungji iba temenen ajak oktoktsü asoshi Noa mapang tzümetsüng agi shidok. Joko Khrista ajanga tang meimchir kümzüktsü asoshi tebui pei ajaso chir bendanga agütsütsü. Abraham aser Isak ajanga meimchir den jembia ata, Yakob dak Tsüngremi saklok saka pa tenüngji Isreal agi melentsü, saka par chirtemi tenük merem aser ochi mashi mapa inyak nung par kibong Ijipi yok. Ijip nung rongsen liasü. Sen agi nisung raksatsütsü temela. Küm noklang pezü tema lir külen kikümtong nung San zü mezüloka ayuba dak tamang katetba ajanga Ijip nungi anitet. Ijip nungi adok dang temerem tzüyim majange tenangzükba lima jagi oteta liasü saka rara aika ajurutsüla aser Israel nunger aika asütsü aser Tsüngrem anema nokdaktsü pai metet nung temerem tzüyim jagi anir arubaji tetezü temaitsü aika lir ta Laishiba jagi sayur, saka ajitang masü tzüküm nungji Mosa tamang tentangba angateter. Anitet 14:15 nung kechiba teyari asoshi kü tang ang ayimdener (Tetezü Ijip nung mije amshia sayatenya ter inyakba ama temerem tzüyim nung kechiba meinyaker ta Mosa dang ashiba angateter) yamaji asenok danga ashitsü, kechaser asenok pei sasa mamangtete tangar dak dang metaloker alir aser shiner dang pushir. Israel nunger temerem tzüyim sadanger ajanga aoba ya Yisu lepber nung arem aser shia aruba tateshitsü iyongjiang parnok aria arur Ijip nungertem iba tzüyim nungji ajak sama. Yisu dak amanger ajak tzüsentsüla iyongji dang tenangzükba lima atongtsü tetezü sayuba liasü ta Laishibai ajanga angateter. Kechaser Israel nunger ajak temerem tzüyim nung tzüsentsübaji 1 Korin 10:1-4 Kechiyong adianutem asen tetsü teboutem ajak mepet kübok liasü aser ajaki tzüyim ajanga süi ta ni nenok nem memeteti melidaktsünür. Aser Mosa sülen anidaker ajak mepet nung aser tzüyim nung baptitsü.
Tesüngmangtsü tanüla chiyongtsü ka ajaki chiyong, aser tesüngmangtsü tajemtsü ka ajaki ajem, aser parnok sülen anidakba Long nungi ajem. Longji Khrista liasü aser Mi tongshi mepet tongshiji Tsüngrem leniba, Mana aser Opiya chiyongtsütemji tanüla temeshi leniba. Levi 11:1-24 menendokba aser memenendokba Israel aser bendanger tateshitsü. T mapa 10:11, Sü tulu ka mesükba nung alima nung aliba shiruru ajak aser anüng ozütem ajak liasü. Sü mesükba kinük pezüsülen amer Peter madang tsükdakja, tepsetang aser chiang ta ashi, saka menendokba machitsü ta Peteri langzü, saka kechi Tsüngremi meshitettsüogo aji memeshi ta teshima. Bendanger asoshi taochi. Israerli Yisu magizükba yong bendanger taochi anguba temaitsü Tsüngremi Peter dang metetdaktsüba angateter. Saka Israel kini Yisu tepsetaka tatem anogo nungbo parnokji kümzüktsüsa, Isaia16:1-5. Sela koba arem tsütsü lir, iba nungji linük yimsüsürtem asoshi Zion jala tenem tangi San chanutem yokang. Sanchanutem tetezü Israel. J Adok ratetteri züluba nung J Adok 12:6, Iba tetsürji anogo meyi ka noklang ana sür roker ( Küm asem sür tesadang) tashi parnoki La mesütsü asoshi, koba arem nung Tsüngremi renema ayuba tesem ka lir, iba aremi jena ao. Tetsür tetezü Israel Moab azüngmeyakdak Sela tesemji longkerak aser longpok tesa ajisaka idakji ayong lir ta ashir aser akidanga Khristanpur rishikangshi mapang iba arem nung jenoka liasü ta ABAM Ajanga J Adok ratet züluri tapak 119 shia lir. Iba arem nung Israel nungerji Tsüngremi kümzüka ayutsü ta tejangja Laishibai ashir. Temerem tzüyim nung Israel nunger tekümtet anguba tateshitsü sayur, Yirusalem reshikangshiba ya küm tenet reshikangshi mapang ataloktsü Lai jagi sayur. Kwi züluyonga arudagi item ajak tasen Lai ratet nungi tejen Lai tashi azüngdang angatetba pelaseta lemsatepber, Tsüngremi moajangma.