All Nagaland College Students’ Union-i khukhua aitsür

Dimapur, Aami/June 25, 2019 (TYO): June 23, 2019 Deobar aonung Khelhoshe Polythenic Atoizu nung mejangjaba nisungtemi auyatsü meranga osettsüset raksaja aser kaketshirtem mulung nung tetsübu aser tarendak lidaktsüba atema All Nagaland College Students’ Union (ANCSU)-i kanga dang khukhua aitsür, ta ANCSU Speaker, Pithungo Shitio aser Woman Coordinator, Meyitila nati sangdong ka ajanga metetdaktsü.
Iba kaket reju nung azünger kaketshirtem aser ki-o-jen kümzüka ayutsü asoshi ANSCU-i aiben sorkar dang police outpost ka amenoktsü mepishiogo, saka tanü tashi nung sorkari telangzüba kecha agüja mali.
ANSCU-i ashiba agi, iba ama timtem ya tang mezüng ataloker masü aser iba ama tensa nung yangji alirtem kümdanga alitsüji kanga dang tongtibang.
Iba ama mapa tamajung inyaktsü merangaba maparen asadanga aser aibelenertem pua ozüng agi melaba ama tapet temerenshi agütsütsü asoshi ANSCU-i ozüng amshir dang mepishir.
Maneni, nisung tamajung ket nungi iba kaket reju kümzüka ayutsü asoshi tekaratiba nung police outpost ka amenoktsü asoshi ANSCU-i sorkar dang maneni mepishir, ajiasüngang technical students aser faculty members tem timtem kecha meli shisaliok sayutsü aser angazüktsü, ta ANCSU ajanga kasa sangdong nung metetdaktsü.