Mkg DC-i interview atema sangdonger

Mokokchung, Aami/June 25 (TYO): Mokokchung Deputy Commissioner, Rajesh Soundararajan-i sangdong ka ajanga Mokokchung DC establishment kübok post balala atema oral interview/suitability test agitsü atema anogo aser tesem metetdaktsüogo.
Dobashi post atema interview ji July 9, 2019 anepdang 10:00 ako nungi ADC Planning Hall nung agitsü, LDA cum Computer Assistant atema interview ji July 10, 2019 anepdang 10:00 ako nungi ADC Planning Hall nung agitsü, Driver post atema Practical Test July 10, 2019 anepdang 10:00 ako nungi Town Hall nung agitsü aser Driver post atema Oral Test ji July 10, 2019 nikongdang 2:00 ako nungi ADC Planning Hall nung agitsü.
LDA-cum-Computer Assistant aser tanga post atema written test nung shimba candidates 20 nem calling letters ji July 3, 2019 nungi July 6, 2019 tashi Mokokchung Deputy Commissioner Office kübok establishment branch nung anepdang 10:00 ako nungi nikongdang 4:00 tsüngda agütsütsü, anungji candidate temi item anogo nung calling letter agizüktsü aser oral interview/suitability test agidang bener arutsü metetdaktsür, ta kasa osang nung shia lir.