J&K nung kiralongrar 733 tepset

New Delhi, June 25 (Agencies): Taoba küm asem tsüngda Jammu & Kashmir nung kiralongrar 733 tepsetogo ta Mongulbarnü Ministry of Home Affairs (MHA)-i metetdaktsü.
2019 küm June 16 tashi nung kiralongrar 113 tepsetogo. 2018 nung 257, 2017 nung 213 aser 2016 nung 150 khaset, ta Minister of State (MoS) for Home Affairs G Kishan Reddy-i Lok Sabha nung metetdaktsü.
Kasa mapang, 2016-2018 tsüngda J&K nung sepai 253-i taküm bendanga agütsüogo. Maneni, 2018 nung lendong 614 atalokdang civilian 39 asü, 2017 nunga tatalokba 342 nung civilian 40 aser 2016 küm tatalokba 322 nung civilian 15 asü, ta Reddy-isa metetdaktsü.